Qeyd olunan ixtisaslar üzrə ödənişsiz təlimlərə qəbul başlayır!
KVET Əlavə Təhsil və Beynəlxalq Sertifikatlaşdırma Mərkəzi tərəfindən Dövlət Məşğulluq Agentliyi ilə əməkdaşlıq çərçivəsində aşağıdakı ixtisaslar üzrə ödənişsiz təlimlərə qəbul elan olunur.
Proqram çərçivəsində işsiz vətəndaşlar Dövlət Məşğulluq Agentliyində işsiz kimi qeydiyyata alındıqdan sonra təlimlərə cəlb olunur və təlim müddətində aylıq 200 AZN təqaüd ilə təmin edilirlər. İştirakçılar təlim müddətində seçdikləri ixtisas üzrə nəzəri və praktiki biliklər əldə edir, təlimin sonunda isə müvafiq yerli və Beynəlxalq sertifikat qazanırlar. Bu isə gələcəkdə işlə təmin olunmaq və əmək bazarında rəqabət qabiliyyətini artırmaq baxımından mühüm üstünlük yaradır.
Təlimlər aşağıdakı ixtisaslar üzrə təşkil olunur:
• Həyat Fəaliyyətinin Təhlükəsizliyi mühəndisliyi
• Yükqaldırma mütəxəssisi
• Elektrik qaz qaynaqçısı
• Avtomat və yarımavtomat maşınların elektrik qaynaqçısı
• Kabel xətlərinin quraşdırılması və təmiri üzrə elektrik montyoru
• Elektrik avadanlıqlarına xidmət və təmir üzrə elektrik montyoru
• Elektrik və avtoarabacıqların sürücüsü
• Mühasib
Çağırış:
Peşəkar bilik və bacarıqlar qazanmaq, rəsmi sertifikat əldə etmək və iş imkanlarınızı artırmaq üçün qeyd olunan proqramdan yararlanmağa dəvət edirik. Maraqlanan şəxslər Dövlət Məşğulluq Agentliyində işsiz kimi qeydiyyatdan keçərək təlimlərə qoşula bilərlər.